Footer

Nakagat iti uleg, di naisalakan ti tandok

STA. LUCIA, Ilocos Sur  – Gapu iti saan a madagdagus a pannakaitarayna iti ospital kalpasan a kinagat ti uleg,   saanen a naisalakan ti biag ti maysa a residente iti Barangay Lubong, Sta. Lucia, Ilocos Sur.

Pimmusay ni Avelino Macayan, 37, residente iti Patpata, Candon City gapu ta nagwarasen ti gita iti bagina idi maipan iti ospital.

Segun kada Cesar Gambala, uliteg ti biktima, ken ti kabsatna a ni Rogelio Macayan, napanda sinimpa ti talonda iti Barangay Lubong, ditoy nga ili ket nakagat ti biktima iti uleg a naggian iti uneg ti tubo a binagkatda.

Naipan nga umuna ti biktima iti maysa a mannandok sakbay a naitaray iti ospital.#