Nakainom a baro, nalmes

STA. CRUZ, Ilocos Sur – Maysa a baro ti naireport a nalmes bayat ti panaglangoyna iti baybay a sakup ti Barangay Sevilla ditoy nga ili idi bigat ti Abril 7.

Natayen ni Romeo Bulan y Galingan, 50, baro, ken residente iti Barangay Casilagan, ditoy nga ili, idi maidanon iti Tagudin General Hospital.

Sakbay ti insidente, naammuan a naggiinom ti biktima ken gagayyemna iti igid ti baybay ti nadakamat a barangay ket napan naglangoylangoy daytoy iti kabaybayan iti abagatanen ti naggiinomanda.

Mapapati a ginuyod ti napigsa nga agos ti biktima a puon ti nakalmesanna.

Pinadas ni PO3 Rodrigo Masanda a pagungaren ti biktima babaen ti CPR kabayatan ti panagurayda iti ambulansia ngem saannan a naisalakan daytoy.#