Footer

Nakainom a motorista, naikanal

VIGAN CITY – Mapapati a saan a nakontrol ti maysa motorista ti luganna a puon ti nakaipisokanna iti kanal iti maysa a barangay ditoy.

Naammuan iti report manipud iti polis a naitaray iti ospital ni Jonathan Ramos, 20, baro, residente iti Camestisuan, Sto. Domingo, Ilocos Sur gapu kadagiti dunor iti ulona ken nadumaduma a paset ti bagina kalpasan a naikras iti kanal iti Barangay Paoa, ditoy siudad.

Naitaray ti biktima iti Gabriela Silang General Hospital para iti pannakataming dagiti sugatna.

Mapapati a nakainom ti biktima idi mapasamak ti aksidente.#