NAKALALAAD KEN MAKAINSULTO NGA ARAMID

NAKALALAAD KEN MAKAINSULTO NGA ARAMID. Natiliw ti kamera ti CCTV a
naimuntar iti Kalye Mena Crisologo ditoy Siudad ti Vigan ti nangisit a kotse a minaneho ti maysa a Liane Bismonte Aninag a napagtripanna ti nagpasiar iti parbangon iti Heritage Village. Agsipud iti panaglabsingna ken pananginsultona kadagiti ordinansa ti Siudad ti Vigan, napakatan iti pannusa daytoy a violator. Kas heritage site, karaman ti Vigan City kadagiti nakalista iti UNESCO a tawid ti sangalubongan a masalsalakniban ken maprotprotektaran kadagiti kalamidad, didigra ken gubat. (Retrato, nabinglay manipud iti Facebook)