LAOAG CITY – Inwaragawag ti gobierno probinsial dagiti nadumaduma nga aktibidad para iti makabulan a “Paskua Mi Ditoy” a mangitampok kadagiti kaugalian ken tradision dagiti Ilokano iti panangselebrarda iti Paskua.
Nairusat ti selebrasion iti pannakagangat ti silaw ti 45-foot a Christmas tree iti sanguanan ti Ilocos Norte capitol idi Disiembre 8.
Dagiti dadduma pay nga aktibidad: Disiembre 9 – Tupig Cook Off a maangay iti Sinking Bell Tower; Disiembre 15-18 – 4×4 Adventure Paoay Sand Dunes; Disiembre 16 – Capitol Christmas Party; Disiembre 21 – Christmas Party a maangay iti Malacañang of the North) ken Balikbayan Roadshow (TBA); Disiembre 16-22 – Paskua Mi Ditoy Food Strip and Bazaar a maaramid iti Llanes St., Laoag City); Disiembre 22 – Lantern Parade sadiay Paoay; Disiembre 26 – Sunflower Festival.
Agpatingga ti selebrasion inton Disiembre 28 a pannakaitampok ti FlipTop Battle League.#