Nakiddit a danum, nasolbar

CAOAYAN, Ilocos Sur – Kalpasan ti pannakaipasdek ti maysa a pagbomba, namnamaen ti opisial ti water district a nasolbaren ti problema dagiti agnaed ditoy nga ili iti nakiddit a danum.

Segun ken ni Metro Vigan Water District General Manager Ruby Barba, naipasdek ti water pump iti lakon ti water district iti Barangay Anonang Mayor tapno pumigsa ti suplay ti danum ditoy nga ili.

Iti kallabes, adda dagiti reklamo manipud kadagiti concessionaires gapu iti kinakiddit ti danum ti gripoda nangruna iti bigbigat.

Ti MVWD ti mangsupsuplay iti danum iti Vigan City, Caoayan, Bantay, San Vicente ken Santa Catalina.#