Nakolekta iti tiendaan, ngimmato

CANDON CITY – Ngimmato ti nakolekta iti tiendaan iti napalabas a bulan, segun iti market consultant ditoy.

Kinuna ni Odette De Guia, market consultant, a nakasingirda iti P777,395 iti bulan ti Mayo ket kadakkelan daytoyen kadagiti nasingirda kadagiti immun-una a bulan.

Nakakolekta dagiti mangimatmaton iti tiendaan iti P751,430 idi Abril, P747,140 idi Marso, saan nga immabot iti P700,000 idi Pebrero, ken P704,340 idi Enero.

Kinuna ni Guia a manamnama pay ti ingangato ti koleksionda no maluktan ti annex ti wet market.

No aglukat daytoy, ditoyton ti pakaipuestuan dagiti aglaklako iti Candon Arcade.#