Footer

Nalaka a bagas, maidanon kadagiti marigrigat

MAGSINGAL, Ilocos Sur – Maidanon kadagiti marigrigat nga umili ditoy nga ili ti nalaka ti presiona a bagas, segun ken ni Mayor Arlene Favis.

Kinuna ni Favis a pinaisagananan iti municipal social welfare development office ti listaan dagiti karirigatan nga agindeg ditoy nga ili tapno isuda ti prioridad a malakuan iti nalaka ti presiona a bagas.

Kanaig daytoy, maysa a memorandum of agreement ti pirmaan iti nagbaetan ti National Food Authority ken ti municipal government ditoy tapno adda stockpile a mailako kadagiti marigrigat a residente iti tiempo ti gawat.#