Footer

Nalamlamiis a klima iti Baguio City, sumangbay

BAGUIO CITY – Manamnama a bumaba pay ti temperatura ditoy siudad iti sanguanan ti mapadpadaanan a panangselebrarna iti Panagbenga iti daytoy a bulan.

Iti umuna a lawas ti Pebrero, nariknan dagiti residente ditoy ti ilalamiis ti klima daytoy summer capital ti pagilian.

Nairekord itay lawasna ti temperatura a 10.4 degrees Celcius, kalamiisan a narikna ditoy siudad iti itatapog daytoy a tawen.

Idi 1961, nairekord ti kalamiisan a klima ditoy iti 6.3 degrees Celcius.

Ti nalamiis a klima ditoy ti maysa kadagiti rason nga adu dagiti sumang-at a turista iti Baguio City.

Selebraran daytoy siudad ti Panagbenga iti bulan ti Pebrero ket manamnama ti isasang-at dagiti rinibu a turista tapno makipagragsakda iti nasao a parambak.#