Footer

Naluto a bulong ti tabako, umaboten iti P96 kada kilo

CANDON CITY –  Maragragsakan la ketdi dagiti mannalon tatta gapu ta ngimmato ti presio ti napugon a bulong ti tabako.

Naammuan ti Tawid News Magasin a dimmanon payen iti P96 kada kilo ti panaggatang dagiti traders iti bulong ti tabako wenno P34 a nangatngato ngem iti naituding a P61 a floor price.

Uray ti reject ket immabot iti P70 kada kilo manipud iti P23 a floor price.

Maipalagip a naipangato iti P61 kada kilo ti floor price ti naluto a bulong ti tabako kalpasan ti Tobacco Summit nga inlungalong da Gov. Deogracias Victor Savellano ken ni Cong. Eric Singson a nangidatagan dagiti mannalon dagiti problemada kas iti nangina nga abono ken pestisidio idinto a nakalaklaka ti  presio a paggatang dagiti traders.#