Namsaakan ti bagyo, paisubmite ti DepEd

BANTAY, Ilocos Sur- Imbilin ni Ilocos Sur Division Superintendent Dr. Marino Baitec ti panangisubmite dagiti district supervisors iti report ti namsaakan ni Bagyo Pepeng iti pagadalanda.

Naamuan ken ni Baitec a nupay addan pakpakauna a report a naawat ti opisinana, saan pay a kumpleto dagitoy ket di pay masinunuo ti kadagupan dagiti nadadael kadagiti pagadalan iti probinsia.

Innayonna nga addan pakpakauna a report ti damages dagiti pagadalan iti Sinait, Cabugao ken Sta. Catalina.

Kinuna ni Baitec nga adda dagiti pagadalan a naaramat nga evacuation centers ngem naggawid wenno naiyalisden dagiti biktima.#