Footer

Nangriribuk bayat ti panagusig iti korte, naipupok ken nakasuan

SAN ILDEFONSO, Ilocos Sur – Tiniliw ken impupok dagiti polis ti dua a lalaki a nangriribuk iti uneg ti korte bayat ti sessionna idi Septiembre 16 ditoy nga ili.

Nakasuan pay iti grave threat iti 2nd MCTC San Ildefonso-San Vicente da Mario Somera, Jr. y Espiritu, 31,  ken Mark Alexander Somera, 36,  alias Leklek, agkabsat ken residente iti Poblacion West ditoy nga ili babaen ti berbal a pammilin ni Assistant Provincial Prosecutor Edgardo A. Martin, Jr., gapu iti panangriribukda bayat ti session iti nadakamat a korte idi agarup 2:30 ti malem ti Septiembre 16, 2010.

Segun iti inbestigasion, nagatendar dagiti dua iti pannakausig ti kasoda ket kabayatan ti session, kellaat a nagisawang dagitoy iti dakes a balikas ken pinangtaanda pay ti nag-complain a saksi a nainaganan iti Odarlino Pati y Palapala, residente iti Poblacion West, San Ildefonso, Ilocos Sur a namkuatan ni Judge Pedro Rosal a nangpasardeng iti session.

Saan a nadakamat iti report no ania ti kaso dagiti dua.#