Napabaro a municipal health unit, nainaguraran

BANTAY, Ilocos Sur – Naglukaten ti ekstension ti municipal health unit kalpasan a nainaguraran idi Disiembre 22 tapno ad-adu pay ti maserbian a residente ditoy nga ili.

Segun ken ni Municipal Administrator Sammy Boy Parilla, kinumpleto ti municipal government ditoy dagiti ramit kas kadagiti baro nga hospital beds, laboratorio, pediatric ward ken dadduma pay.

Kinuna met ni Cong. Ryan Singson a napunduan ti proyekto iti P3 milion gapu iti nakitana a napintas a performance dagiti agtuturay ti ili ken kas panagsubalitna iti dakkel a suporta dagiti umili ditoy idi nagkandidato a para diputado iti umuna a distrito.

Impanamnama ni Singson nga ad-adu pay ti maiburayna a pondo para iti ili ti Bantay iti masakbayan.#