Napabaro a market code, narugian a maipakat

SAN JUAN, Ilocos Sur – Maipakaten ita a tawen ti napabaro a market code ditoy nga ili.

Kinuna ni Konsehal Veronica Ochosa, chairman on committee on market, a maysa a naipalaon iti napabaro a market code ti pannakakansela ti permit ti maysa nga stall owner iti tiendaan no saan a nakabayad iti upana iti tallo a bulan.

Kinuna ni Ochosa a naing-inget itan ti pannakaipakat ti market code ta saanen a maipasublat ti stall owner a saan a nakabayad iti tallo a bulan ti puestona iti sabali.

Ti laeng lokal a gobierno ditoy ti addaan iti bileg a mangipasublat wenno makikontrata iti sabali nga agupa iti stall, innayon ni Ochosa.

Nangrugi a maipakat ti market code iti daytoy a tawen.#