Footer

Napili, kabarbaro nga opisial ti UFCH

LAS VEGAS, Nevada – Napili dagiti kabarbaro nga opisial ti United Filipino Council of Hawaii (UFCH) iti eleksion a naangay iti California Hotel, Las Vegas, Nevada, Mainland USA idi Hulio 18, 2008.

Nabutosan ni Edilberto “Eddie” Agas, Sr. kas presi-dente ti UFCH ket agtakem iti 2008-2009.

Walo ket maysa (81) dagiti timmabuno iti eleksion manipud iti nadumaduma nga Island Council a pakairamanan ti Oahu FCC, Maui FCC, Molokai FCC, Big Island FCC ken Lanai FCC.

Awan ti kinasango ni Agas.

Tubo ni Agas iti Bacarra, Ilocos Norte, ngem agnaeddan a sangapamilia iti Kapolei/Ko Olina, Hawaii.

Dagiti sumaganad dagiti sabali pay a nabutosan nga opisial: Angie Gomez Borromeo, bise presidente; Lyn Gutierez, sekretaria; Bernadette Fajardo, tesorero; Dolly Ortal, auditor; ken dagiti Board of Governors a da Philip Alcain (Oahu), Cleo Bala Casino (Oahu), Annie Corpuz (Oahu), Ireneo Soriano (Kaui), Liza Trinidad (Kaui), Fred Dagdag (Maui), Joy Fontanilla (Maui), Debbie Davis (Molokai), Moses Locson (Molokai) ken Edwin Ranan (Big Island)

Sinuktan ni Agas ni Bryan Andaya a nagturpos ti panag-takemna kas presidente ti UFCH. (Danny Antalan)