Napukaw a motorsiklo ti sikio, narekobre

STO. DOMINGO, Ilocos Sur – Nasarakan ti napukaw a traysikel ti maysa a security guard iti asideg ti maysa a gasolinaan sadiay Barangay Parada ditoy nga ili idi malem ti Nobiemre 24.

Mapapati nga inabandona lattan dagiti di nabigbig a suspek ti traysikel iti asideg ti Flying V Gasoline Station iti nadakamat a barangay.

Maipalagip nga inreport ni Gerwin Castillo y Babida, 43, naasawaan, security guard ken residente iti Barangay Nagsangalan, Vigan City a natakaw ti traysikelna nga imparkingna iti lauden a paset ti Land Bank a pagtrabahuanna iti Florentino Street, Barangay 1, idi agarup 7:30 ti bigat ti Nobiembre 24,

Naduktalan ni Castillo nga awanen ti luganna idi agarup 1:10 ti malem iti dayta met laeng a petsa.

Segun iti biktima, dua a lalaki ti nakitana a nagtugtugaw iti traysikelna ket dagitoy ti masuspetsa a nangitalaw iti luganna.#