Naputputed a troso, nakumpiska

TAGUDIN, Ilocos Sur – Maysa a van a nagkarga iti naputputed a troso ti saan a pinagbiahe dagiti otoridad idi rabii ti Nobiembre 15 gapu ta mapapati nga illegal a napukan dagitoy.

Naggturong dagiti polis iti nadakamat a lugar apaman a nakaawatda iti tawag manipud iti selpon ti maysa nga MDRRM officer iti Tagudin nga adda maibiahe a naputed a troso a naikarga iti L300 van ket lumabasda iti barangay road a sakup ti nadakamat a barangay.

Idi makadanon dagiti polis iti nasao a lugar, nadanonda ti van a tinengngel dagiti barangay officials agraman dagiti naglugan a pakairamanan ti drayber.

Nagkarga iti 28 a naputedputed a troso iti nadumaduma a kaatiddog ti van a minaneho ni Darwin Visitacion Ballesteros, 38, naasawaan, ken residente iti Barangay Pudoc West. Kadua ni Visitacion ni Frederic Ballesteros Orosco, 42, naasawaan, ken residente iti Barangay Tampugo, Tagudin, .

Idi binirok dagiti polis dagiti dokumento ken permit iti pannakaibiahe dagiti troso, awan ti naipakita ni Visitacion, isu a naipan dagiti suspek agraman iti lugan iti police station para iti umisu a disposision.#