CANDON CITY –  Maysa a dyip a napunno iti naragadi a kayo ti nasakote
dagiti polis iti Barangay San Nicolas, ditoy a siudad itay lawasna.

Na-impound ti  passenger type jeep nga addaan plaka ABY-726, minaneho ni Gerardo Molina, 42, residente iti Poblacion East, Sta. Cruz, Ilocos Sur gapu ta awan ti maipakitana a dokumento para iti pannakaibiahe dagiti kayo.

Inrason ti drayber ti dyip a maaramat dagiti kayo a pagluto  iti pugon ti tabako.

Maitudtudo a  kukua ti maysa managan Glen Arcardo, 26, residente iti Daldagan, Galimuyod, Ilocos Sur dagiti kayo. (Danny Antalan)