Footer

Nars, natakawan iti ospital

BANTAY, Ilocos Sur – Maysa a nars ti natakawan itay nabiit iti mismo nga ospital a pagtrabahuanna.

Natakaw ti petaka ni Carlina Somera, 33, naasawaan, head nurse ti Metro Vigan Cooperative Hospital ditoy nga ili, a naglaon iti P21,000 a cash ken dokdokumento a mapapati a tinakaw dagiti dua a babbai a nagpammarang a mangiserrek iti pasiente iti ospital.

Segun iti report, inasitgan ti dua a babai ni Somera ket nagsaludsodda no ania ti proseso a maaramid iti panag-dialisis ti iserrekda nga Amerikano a pasiente.

Idi nakapanaw dagiti dua, naduktalan laengen ti biktima nga awanen ti petakana iti nangikabilanna.

Nabigbig ti biktima babaen ti retrato ti maysa kadagiti babbai a suspek a nangala iti petakana.#