Footer

Narvacan, naideklara nga state of calamity

NARVACAN, Ilocos Sur –  Gapu iti didigra nga insangbay ti bagyo Karen, naideklara nga adda iti babaen ti kalamidad daytoy nga ili.

Iti interbio ti media kenkuana, kinuna ni Mayor Edgar Zaragoza a gapu iti nakaro a layus, adda dagiti proyekto a nadadael, dagiti pagtaengan a nayanud, ken nadadael a mulmula kadagiti kataltalonan ket natulongan dagiti kalugaranda a biktima ti bagyo.

Kinuna ti mayor a napasimpan ti Tupak bridge a pagdaliasatan ti innem a barangay, kasta met a madama ti pannakatarimaan dagiti kalsada iti Camarao ken Bantay Abut. Innayon ti mayor a nangaramidda iti alternate road tapno saan a maperhuisio dagiti lumugar nga agpaili.

Uray dagiti barangay  nangiruar iti pondodan tapno maikkanda iti tulong dagiti kabarangayanda.(Danny Antalan)