Nasaknap a panagbakuna kontra kamuras, maiwayat

CABUGAO, Ilocos Sur – Impakaammo ti municipal health officer ditoy nga ili ti pannakaangay ti nasaknap a pannakabakuna dagiti ubbing kontra tigdas wenno kamuras gapu iti mapaliiw a panagrairana iti pagilian.

Kinuna ni Dr. Bernardino M. De Gracia, OIC Municipal Officer iti Rural Health Unit ditoy a maisayangkat ti nasaknap a panagbakuna kadagiti ubbing kontra tigdas inton Enero 30 daytoy a tawen.

Maysa kadagiti prioridad a programa ni Mayor Edgardo S. Cobangbang, Jr., ti pannakaipaay ti nasaysayaat pay a serbisio iti salun-at kadagiti agindeg ditoy siudad.

Kapaliiwan nga iti panagtugaw ni Dr. De Gracia nga OIC municipal health doctor, umad-adu dagiti umili a mapan agpaagas iti RHU ditoy.

Segun iti maysa a nagannak,  nasaysayaat ngaminen ti   serbisio ti salun-at a maipapaay iti daytoy a departamento no maidilig kadagiti kallabes a tawen.#