TAGUDIN, Ilocos Sur – Nabigbig ti rurog a nasarakan iti iti nagmaga a karayan sadiay Barangay Salvacion ditoy nga ili idi bigat ti Enero 14 babaen ti wallet a nasarakan iti bulsa ti porontongna.
Kinuna ni Police Senior Inspector Reneboy Bonayog Lata, deputy chief of police ditoy, nga skeletal remains ni Renato Lozano y Sabado, 41, naasawaan, ken residente iti Barangay Rissing, Luna, La Union ti nasarakan iti dried river a mapapati nga inwarawara dagiti aso.
Nakasarak pay dagiti polis iti dua a daradara a sako iti nasao a lugar.
Segun iti police, nagreport ni Lozano ken ni Que idi Paskua ngem gapu ta mapapati a nakainom, saan a pinalubosan ti amona nga agmaneho.
Rimmuar ti biktima ket saanen a nagsubli pay agingga nga inreport ti asawana a mapukpukaw.
Sakbay ti pannakasarak iti rurog ni Lozano, nasarakan ti naabandona a motorsiklona iti Sta. Cruz, Ilocos Sur.
Segun iti polis, posible a biktima ti salvage ni Lozano.#