Footer

Nasublat a motorsiklo, naisalda

VIGAN CITY – Insaldana ti sinublatna a motorsiklo. Gapu iti daytoy, naireklamo iti polis ti maysa a lalaki a residente iti Barangay Pagpandayan ditoy siudad.

Nagpulong iti polis ni Boyet Martinez y Petallo, 27, residente iti Barangay San Julian ditoy siudad nga insalda ni Francis Artates, kayongna, residente iti Barangay Pagpandayan ditoy met laeng siudad ti sinublatna a motorsiklona idi Oktubre 18.

Naammuan laengen ni Martinez nga insalda ni Artates ti motorsiklona iti maysa a di nainaganan a tao a residente iti Barangay Pagburnayan kalpasan a mapapati a naabak iti sugal iti maysa a natayan.#