Nasurok 200 a pamilia, immawat iti pamaskua

SINAIT, Ilocos Sur – Nasurok dua gasut a pamilia ditoy ti immawat iti pamaskua manipud iti gunglo dagiti taga-ditoy nga agnaeden iti sabali a pagilian.

Segun ken ni Mayor Marlon Ines, pinapaskuaan ti Sinaitenians Association of California, USA ti 220 a pamilia ditoy iti bagas, de lata ken dadduma pay a makan.

Dagiti marigrigat a pamilia manipud iti 44 a barangay ditoy ti pinili ti municipal social welfare and development officer a pakaitedan iti pamaskua manipud iti nasao a gunglo.#