Footer

Natakaw a motorsiklo, narekobre

GALIMUYOD, Ilocos Sur – Narekobre dagiti polis ti maysa a motorsiklo a natakaw pay laeng idi kanikatlo a bulan iti sanguanan ti McDonald iti Candon City.

Segun iti report, madama ti panagtsekpoint dagiti polis iti Candon-Salcedo road iti Barangay Poblacion ditoy nga ili idi nasiputanda ti suspek a nainaganan Noli Cadongonan y Angaoan, 40, mannalon, ken residente iti Barangay Bugnay, Candon City, a simmiasi nga immadayo.

Tinengngel  ken nagsaludsodan dagiti polis ti suspek ket naduktalanda a tinakawan ti naglugananna a motorsiklo a kukua ti maysa nga Emilia Galinta Gallo, 61, naasawaan, mangisursuro, ken residente iti Barangay Tamurong Segundo, Candon City.

Naipan ti suspek iti police station para iti maikanatad a disposision.#