Natakaw a motorsiklo, narekobre

STA. MARIA, Ilocos Sur – Narekobre ti motorsiklo a naireport a natakaw iti asideg ti munisipio ditoy nga ili idi bigat ti Septiembre 21.

Inreport ni Glenford Callera y Ciervo, 28, naasawaan, mannalon, ken residente iti Pintar, Pilar, Abra iti police station ditoy a natakaw ti motorsiklona bayat a nakaparking iti abay ti municipal building idi agarup 5:00 ti malem ti Septiembre 20.

Segun iti report, sinublat ni King Peace James y Genotiva, residente iti Dalit, Pilar, Abra, Honda TMX ti nasao a motorsiklo ken ni ulitegna iti ipapanna panagpasiar iti Sta. Maria ket imparking ti lugan a di nakatulbek iti abagatan a paset ti municipal building ngem idi sublienna daytoy iti agarup a 6:00 iti dayta met la a malem, awanen ti lugan iti nakaiparkinganna.

Narekobre ti motorsiklo a naabandonar iti kabakiran a paset ti Barangay Suso, Sta. Maria.#