Natakaw a motorsiklo, narekobre

SALCEDO, Ilocos Sur – Maysa a motorsiklo a mapapati a natakaw ti narekobre dagiti polis manipud iti maysa nga agpaspasada iti traysikel ditoy nga ili idi agsapa ti Marso 19.

Nakikoordinar dagiti polis manipud iti Mankayan, Benguet kadagiti polis ditoy mainaig iti pannakarekobre ti maysa nga XRM motorcyccle nga addaan plate number OK 7988, engine number nga XRM 110 ME-7116994 ken chassis number nga XRM 12-05X-116994 a mapapati a natakaw iti Mankayan.

Narekobre ti nasao a lugan iti ikut ni Tony Mendoza y Angaoan, 38, naasawaan, tricycle driver ken natibo ti Barangay Pias ditoy nga ili a nasukalan iti talon a kukua ni Benita Suen a masarakan iti Sitio Dampalig ti met laeng nasao a barangay.#