Natakaw a sidecar, narekobre

CANDON CITY – Makatawen kalpasan ti pannakatakaw ti traysikelna, narekobre ti akinkukua ti sidecar ti luganna idi Marso 10.

Babaen ti tulong dagiti polis ti Candon nga indauluan ni PSI Providencio Calibuso, narekobre ni Eddie Zapatero y Bello, 35, baro, tricycle driver, taga-Leng-leng, Tayum, Abra ti sidecar ti luganna manipud ken ni Lorenzo Manzano y Versoza, 53, naasawaan, residente iti Barangay Lintic, Banayoyo, Ilocos Sur.

Kinuna ni Manzano a ginatangna ti sidecar manipud iti maysa nga aglaklako a taga-San Julian, Vigan City idi Marso 7, 2011 iti P8,000.

Adda ita ti sidecar iti kustodia ti polis ditoy para iti naan-anay a disposisionna.

Madama ti inbestigasion no asino ti nakailakuan ti traysikel.#