Natakaw a motorsiklo, narekobre

CERVANTES, Ilocos Sur – Narekobre ti maysa a motorsiklo a natakaw iti Barangay Comillas South ditoy nga ili idi agsapa ti Enero 1.

Mismo a ni PO1 Odysseius Duquing y Reuzo, 29, PNP member ken residente iti nadakamat a barangay ti nakatunton ti lugan sadiay Mankayan a sakay ti maysa a Johnny Martin y Agdiwang, 19, baro, residente met laeng iti Barangay Comillas South.

Segun iti report, napan pinalabas ni Liza S. Gaceta, girl friend ti polis, ti isasangbay ti baro a tawen iti balay ni Duquing ket imparkingna ti XRM a motorsiklona iti uneg ti inaladan ti balay.

Naduktalan laengen a natakaw ti motorsiklo idi agarup alas 6:00 ti agsapa ti Enero 1.

Naipan ti motorsiklo agraman ti suspek iti Cervantes police station para iti umisu a disposion.#