Natakaw a motorsiklo, nasarakan a naabandonar

VIGAN CITY – Nasarakan a naabandona ti traysikel a naireport a natakaw iti parkingan ti maysa a fast food chain ditoy siudad idi rabii ti Pebrero 18.

Nasarakan dagiti polis ti Smash Mags 115 Suzuki motorcycle a naabandonar iti lauden a paset ti daan a CAP building iti Jacinto Street, Barangay I idi agarup alas 9:00 ti bigat idi Pebrero 19.

Sakbayna, inreport ni Ellson Cruz y Bosque, 26, baro, manager ti Chowking ken residente iti Barangay Taleb, Bantay a napukaw ti motorsiklona a pinanawanna a nakatulbek iti pagparkingan ti nasao a fast food chain.

Saan a nasiputan ti biktima wenno dagiti security guards ti Plaza Maestro no sino ti nangitaray iti motorsiklo manipud iti nakaiparkinganna.#