Footer

Natiliwan iti shabu, naipilaan iti kaso

CANDON CITY.  Naipilan ti kaso a panaglabsing iti R.A. 9165 wenno Comprehensive Dangerous Drugs Act of 2001 dagiti dua a personalidad a natiliw iti maysa checkpoint iti barangay Ayudante iti daytoy a siudad.

Naipilaan iti kaso a naka-docket iti IS No. CP-07-L-689 iti city prosecutor’s office ditoy dagiti masuspetsa a da Dennis Gacusan y Quilasa, 32, ken residente iti barangay Sabangan, Santiago, Ilocos Sur ken ni Roberto Marinas y Fillon, 41, ken residente iti Taleb, Bantay, Ilocos Sur .

Maipalagip a  natiliw dagiti suspetsa iti mobile checkpoint nga insayangkat ti PNP-Candon City ken ti PDEA operatives iti barangay Ayudante kalpasan a  nakaawatda iti impormasion nga adda dagiti masuspetsa a drug personalities a nakalugan Hi Ace van nga addaan plaka RAS-363.

Nakakumpiska dagiti operatiba iti tallo a heat sealed plastic sachet a naglaon iti white crystalline granules a mapapati a shabu nga  agdagsen iti sumurok-kumurang 20 a gramo ken aggatad iti P70,000,   maysa nga straight totter ken maysa a disposable lighter.#