National Child Development Center, maipatakder

CABUGAO, Ilocos Sur – Inikkan ti sangguniang bayan iti otoridad ti mayor daytoy nga ili a sumrek iti katulagan para iti pannakaipasdek ti maysa a sentro para kadagiti ubbing ditoy nga ili.

Sagudayen ti resolusion ti sangguniang bayan ti pannakaited iti otoridad ken ni Mayor Edgardo S. Cobangbang, Jr. a sumrek iti memorandum of agreement ken ni Executive Director ti Early Child Good Care and Development Council Teresita Inchong para iti pannakaipatakder ti National Child Development Center ditoy nga ili.

Segun ken ni Konsehal Jemaima S. Tanyi, chairman ti committee on ways and means, addaan daytoy iti pondo a P2.3 million babaen ti initiatibo ni Vice Mayor Deogracias Jose Savellano.

Maipatakder ti nasao a pasdek iti Barangay Rizal.#

 

 

11