National Federation of Tobacco Farmers Assocation, nabuangay

SAN JUAN, Ilocos Sur – Dua a taga-Ilocos Sur ti napili a mangidaulo iti nabuangay a pederasion dagiti gunglo dagiti agmulmula iti tabako itay nabiit.

Napili ni dati a Mayor Benjamin Sarmiento a chairman ti National Federation of Tobacco FarmersĀ  idinto a vice chairman ni Sinait Councilor Bernard Vicente iti panagpipili a naangay iti Rosales,Ā  Pangasinan itay nabiit a tinabunuan dagiti nadumaduma a gunglo dagiti agmulmula iti Virginia, burley ken native a tabako.

Kanaig daytoy, kinuna ni Vicente a panggep ti pannakabuangay ti nasao a gunglo ti panangiduronda iti nangatngato a presio ti tabako iti masungad a tripartite meeting iti nagbaetan dagiti gunglo ti mannalon ken dagiti traders ken manufacturers.

Idi napalabas a panagtatabako, immabut ti presio ti Class A a tabako iti P81 kada kilo.

Segun iti konsehal, nasurok dua milion a mannalon ti agdepdepender iti industria ti tabako.#