Nauram a pagadalan, nasuktanen iti baro

LIDLIDDA, Ilocos Sur – Nasuktanen ti nauram a pagadalan ditoy nga ili, daytoy ti naammuan ti DZTP itay nabiit.

Maysa ti radio station kadagiti nakikammayyet iti outreach program a naangay iti daytoy nga ili itay nabiit.

Segun ken ni Aquilino Eusebio, mangisursuro ditoy a pagadalan, dagiti agbasbasa iti Grades I, II, ken III dagiti naibalay iti kabarbaro a pasdek.

Nauram ti pagadalan ditoy idi Pebrero 10 daytoy a tawen.

Segun iti maestro, insigida a nangipaay ni Gov. Deogracias Victor Savellano kadagiti tugtugaw ken linong nga inusar dagiti agbasbasa kabayatan nga awan pay ti naipatakder a pagkuartuaanda.#