NBI agent, nasarakan a nagbekkel

STA. BARBARA, Pangasinan – Maysa a ahente ti National Bureau of Investigation ti nagbekkel gapu iti mapapati a problema a pinansial Poblacion Norte ditoy nga ili itay nabiit.

Naduktalan a nakabitin ti bangkay ni Antonio del Prado, residente iti Calasiao, Pangasinan iti kuarto ti maysa a gayyemna iti agsapa ti Abril 28 iti nadakamat a barangay ditoy.

Kas maibasar iti text messagena, mapapati a ginudas ni del Prado ti bagina gapu iti problema a pinansial.

Malaksid dagiti aruatenna, nakasarak dagiti polis iti selpon, wallet a naglaon iti di ammo a gatad, lisensia ken ID ti NBI iti nagbekkelan ti ahente.#