Footer

Negosiante, biktima ti Salisi Gang

NARVACAN, Ilocos Sur – Tallo a lallaki ti masuspetsa a nangsikuat iti dua a bag ti maysa a negosiante a naglaon iti kuarta idi Mayo 15.

Nainaganan ti biktima a ni Grem Villanueva, mangimatmaton iti Clarem’s Bakery and Store a masarakan iti tiendaan publiko ditoy nga ili.

Segun iti inbestigasion, pinanawan biit ti biktima ti cashier’s booth ket inasikasona dagiti kustomerna ket idi agsubli, naduktalanna nga awanen ti dua a bagna a naglaon iti P700,000.

Dagiti tallo a di nabigbig a lallaki ti suspetsa ti biktima a nangsikuat iti dua a bagna.#