VIGAN CITY – Maysa a negosiante ditoy ti biniktima ti Salisi Gang ket intarayda ti  bagna a naglaon kadagiti dokumento ken kuarta.

Nagpulong iti polis ni Editha Ramirez, residente iti Barangay Pantay Laud ditoy siudad a napukaw ti shoulder bagna a naglaon iti bankbook, SSS I.D, ken P40,000.

Suspetsa ni Ramirez a dagiti dua a lalaki a nagingagatang iti lakona a manok ti nangala iti bagna.

Maibasar iti palawag ti biktima, indissona ti bagna iti asidegna bayat ti panaglakona iti puestona iti public market ditoy.

Kinuna ti biktima a dua a lalaki ti immasideg kenkuana ket gimmatangda iti maysa a kilo iti saka ti manok.

Nagpagnapagna kano iti aglawlaw ti puesto ti biktima ti maysa kadagiti lalaki.

Imbaga kano dagiti suspetsa a subliandanto ti ginatangda.

Saanen a nagsubli dagitoy.

Naduktalan laengen ti biktima nga awanen ti bagna iti nangikabilanna. (Nemia Icari)