Footer

Negosiante, napaltogan, natay

NARVACAN, Ilocos Sur.  Natay ti maysa a negosiante ti daing kalpasan a pinaltogan ti saan a nabigbig a lalaki iti tiendaan publiko ditoy itay nabiit.

Nabigbig ti biktima a ni Wilberto Blancada y Mendoza, 40, naasawaan ken residente iti Nueva Ecija ngem agnaeden iti barangay Darapidap, Candon City.

Iti inbestigasion ti polis, kalkalpas ti biktima a nangi-canvass iti lakona a daing iti public market ket kalugluganna iti Toyota jitney idi immasideg ti di nabigbig a suspek ket pinaltoganna ti biktima iti namindua a daras a nakatayanna nga insigida.

Kalpasanna, kasla awan aniaman a pimmanaw, naglugan iti cHonda TMX 155 sa nagpaabagatan.

Agtultuloy ti inbestigasion ti polis.