Footer

Negosiante, natakawan

NARVACAN, Ilocos Sur – Tallo a babbai a nagpammarang a customer ti masuspetsa a nangtakaw iti bag a naglaon iti kuarta ti maysa a negosiante ditoy.

Nagpulong ni Elsa Juanita de Guzman, franchise owner ti Avon, residente iti Nanguneg East ditoy nga ili a natakaw ti shoulder bagna a naglaon iti aganay P10,000 ket suspetsana a dagiti tallo a babbai a simrek iti puestona iti public market a nagpammarang a customer ti nangala.

Birbiroken ita dagiti polis dagiti suspetsa.#