Footer

Negosiante, tinakawan 4 a babbai

STA. LUCIA, Ilocosa Sur – Maysa a negosiante ti biniktima ti uppat a babbai a nagpammarang a kustomerna.

Nagpulong ni Pat Andaya, caretaker-manager ti Seguban Enterprises a masarakan iti public market ditoy a natakaw ti kuartana nga P18,700 ken napapateg a papeles a naikabil iti bagna ket suspetsana nga intaray daytoy dagiti uppat a babbai a pakairamanan ti maysa nga ubing a nagpammarang a kustomer.

Segun iti inbestigasion, simrek dagiti suspek iti pagtagilakuan ket nagkitakitada iti lako ti biktima.

Gapu iti awag ti nakaparsuaan, napan ti biktima iti CR. Awanen dagiti suspek idi rummuar ti biktima. Naduktalanna met nga awanen ti bagna a nakaikabilan ti kuartana.#