Footer

Negosiante, tinakawan ti katulong-sekretariana

VIGAN CITY – Nagpulong iti polis ti maysa a negosiante a lalaki ditoy siudad nga intaray ti katulong ken sekretariana ti koleksionna iti Lotto.

Nagpulong iti polis ni Junas Guy de Leon y Singson, 33, negosiante, residente iti Barangay VIII ditoy siudad, a saan nga indeposito ni Ederlyn Jose y Alcain, 39, naasawaan, residente met laeng iti nadakamat a barangay ti aginaldaw a naglakuan/koleksion ti Lotto outletda iti Bantay, Ilocos Sur nga agdagup iti P160,000 iti Philippine National Bank idi Pebrero 17 a puon ti panagsardeng ti operasion ti nasao a Lotto outlet.

Segun ken ni de Leon, nairuar pay ti suspek ti P1.6 milion a time deposit ti inana babaen ti panangtuladna iti pirma daytoy.

Inaresto dagiti polis ti suspek ket adda ita iti kustodia ti polis ditoy.#