Footer

NFA, saanen nga agresibo nga aglako iti bagas iti merkado

BANTAY, Ilocos Sur – Kinuna ti hepe ti National Food Authority a saanen nga agresibo nga aglako iti bagas iti merkado agsipud ta harvest season iti probinsia.

Segun ken ni Engr. Fortunato Bulao, ad-adda nga iti panaggatang iti irik iti daytoy a panaggaapit ti nakaituonan ti imatangda tapno makalako dagiti mannalon  iti nasaysayaat a presio iti produktoda nga irik.

Laglagidawen dagiti aglaklako iti bagas ti kabassit ti lakoda nga NFA rice agsipud ta maysa laeng nga aldaw, maibbusen ti lakoda.

Naburnok dagiti gumatgatang iti bagas nga NFA agsipud ta nalaklaka daytoy ngem iti commercial rice.

Ngem kinuna ni Bulao a balbalanseenna ti situasion dagiti  mannalon ken dagiti consumers ket kadagitoy a tiempo ti panaggaapit, isentroda ti aggatang iti irik.#