No. 1 a most wanted person iti Ilocos Sur, naaresto

CANDON, Ilocos Sur – Inaresto dagiti nagtitipon nga operatiba ti Candon City police station ken 4ARCIDU ti maysa a lalaki nga agsusukot dagiti kasona sadiay Barangay Bayog, Los Baños, Laguna idi malem ti Agosto 6.

Inaresto dagiti polis ti maysa a Francisco Aliroso y Ramos, 40, tricycle driver, ken residente iti nadakamat a lugar, babaen ti warrant of arrest nga inyisio ni Judge Policarpio P. Martinez ti Regional Trial Court, Branch 71, Candon City.

Sumangsango ni Aliroso, nakalista a number 1 most wanted person iti Ilocos Sur, iti kaso a rape babaen ti Criminal Case Nos. 3355-C agingga iti 3358-C (uppat a kaso) ken panaglabsing iti RA 7610 babaen iti CC Nos. 3354-C ken 3359-C agingga iti 3363-C (6 a kaso).

Awan ti nairekomenda a piansa ni Aliroso iti kasona a panagrames idinto a sag-P80,000.00 ti piansana iti naudi nga innem a kaskasona.

Naikustodia ni Aliroso iti babaen ti Candon police station ken CIDG Region 4A sakbay a maipaima iti korte a sumangsanguananna kadagiti kasona.#