No. 2 most wanted person iti Santa Cruz, naaresto

CERVANTES, Ilocos Sur – Inaresto dagiti nagtipon nga elemento ti kapolisan ti maysa nga akusado iti homisidio sadiay Barangay Concepcion ditoy nga ili idi agsapa ti Hulio 21.

Inaresto ti nagtipon nga elemento ti Sta. Cruz police station, Tagudin police station ken kapolisan ditoy nga ili ni Jimmy Testibia y Balando, 40, naasawaan, ken residente iti Barangay Calaoan, Sta. Cruz, Ilocos Sur babaen ti warrant of arrest nga inyisio ni Judge Policarpio Martinez a napetsaan iti May 22, 2015.

Sumangsango ni Testibia iti kaso a homicide babaen ti Criminal Case No. 3404-C iti RTC Branch 71, Candon City, Ilocos Sur ket nairekomenda nga agpiansa iti P200,000.00.

Nakalista ni Testibia a No. 2 iti top 10 most wanted person iti Sta. Cruz.#