No helmet, no travel ordinance, naipakat iti Candon City

CANDON CITY. – NasurokĀ  dua gasut a motorista ti napagmulta iti umuna a dua nga aldaw a pannakayimplimentar ti no helmet no travel ditoy siudad.

Impakaammo ni Candon City Police Supt. Marlo Castillo a 164 a motorista ti tiniliwda idi Mayo 3 gapu iti panaglabsingda iti nasao nga ordinansa a nakakolektaanda iti P82,000.

Innayonna nga agdagup met iti 66 a motorista ti natiliwda iti maikadua nga aldaw a panangiyimplimentarda iti no helmet no travel policy ti siudad.

 

Kinuna ni Castillo a nangipasdekda iti checkpointsĀ  iti barangay San Juan, San Nicolas,Ā  iti dalan nga agpa-Darapidap Beach, ken iti Candon-Salcedo road Segun ken ni Castillo, ket iti laeng dua nga aldaw, aganayen a P100,000 ti nakolektada a multa manipud kadagiti umili a naglabsing iti ordinansa.

Nangrugi a naipakat ti no helmet no travel policy ditoy siudad idi Mayo 3 babaen ti maysa nga ordinansa nga impasa ti sangguniang panlungsod itay nabiit ket dagiti polis, traffic enforcers ken dagiti tanod dagiti natudingan a mangiyimplementar iti daytoy nga ordinansa.

Sagudayen ti ordinansa nga agmulta dagiti aglabsing iti no helmet, no travel ordinance iti sumaganad: P500 iti umuna a panaglabsing; P1,000 iti maikadua ken P1500 iti maikatlo.

Kabayatanna, maparitan ti motorista a sumrek iti Vigan a nakahelmet iti baet ti pannakaaprobar iti sangguniang panlungsod ti ordinansa a mangibilin iti panagaramat iti helmet amin dagiti motorista nga agdaliasat iti Vigan.

Imbilin ti gobernador ti pannakaiparit ti panagaramat iti helmet agsipud iti pannakagudas ti barangay captain ti Daclapan, Cabugao, Ilocos Sur ken maysa a polis iti abagatan a paset ti provincial capitol idi Abril 11.

Nupay on leave idi mapasamak ti pammaltog, gapu iti mapapati a pannakalabsing iti police integrated patrol system, narelibo ni Police Supt. Elpidio Nartates, Jr., hepe ti polis ti Vigan City, ken nasuktan ni Provincial Director Police Senior Supt. Eduardo Dopale.

Ni Police Senior Supt. Reynante Partible ti nadutokan nga OIC ti provincial command.#