BANTAY, Ilocos Sur – Kinuna ti maysa nga opisial ti National Tobacco Administration a nakalukaten ti opisinada para kadagiti mannalon a makikontra kadakuada nga agmula iti tabako.
Iti ili a San Juan, puntiria ti NTA ti agpamula babaen ti contract growing iti 300 ektaria.
Impalgak ni NTA Area Supervisor Jose Taclas nga aganay laeng a 85% ti nakolektada kadagiti mannalon a kinatulagda babaen ti contract growing nga agdagup iti P6 milion.
Kinunana nga ad-adalen ti opisinada no iramanda pay dagiti di nakakumpleto a nagbayad a mannalon iti kakontrada babaen ti contract growing iti sumuno a tobacco season.
Babaen ti contract growing, makautang dagiti mannalon ti tabako iti P45,000.00 kada ektaria.#
