Footer

Nuang, nasarakan a nabutiakan

CABUGAO, Ilocos Sur – Maysa a nuang a mapapati a  natakaw ti nasarakan a nabutiakan ken awanen dagiti nagunegna.

Nagreport ni Barangay Captain Eric Sonido iti polis ditoy a maysa a nuang ti nasarakan ni Cresencio Valledor a natay gapu iti bagsol ken awanen dagiti nagunegna.

Nasarakan ni Valledor ti nuang, kukua ni Benjamin Pola ken tartaraknen ni Pedro Sonido, residente ti Barangay Arnap, bayat ti panagsawarna iti billit a paltoganna.

Di pay ammo ti kinaasino dagiti nangbagsol iti nuang ken no apay a dagiti laeng nagunegna ti innalada.#