Footer

Number coding dagiti pagkalap a lugan, maipakat

CABUGAO, Ilocos Sur – Maipakaten ti number coding kadagiti de-motor a pagkalap a lugan ditoy nga ili, segun iti municipal fisheries coordinator itay nabiit.

Kinuna ni Milagros Paz, a namarkaanen iti numero dagiti amin a rehistrado a de-motor a pagkalap a lugan nga inikkan dagiti gunglo dagiti mangngalap ken kooperatiba ditoy nga ili iti akreditasion kalpasan a nagtungpal dagiti akinkukua dagitoy a lugan kadagiti paglintegan nga intuding ti Bureau of Fisheries and Aquatic Resources (BEFAR).

Kinuna pay ni Paz a babaen ti number coding, mamonitor dagiti fishing vessels tunggal tumapogda iti taaw nangruna no nadawel ti panawen.

Pito dagiti coastal barangays ditoy nga ili a pakairamanan ti Dardarat, Salomague, Sabang, Namruangan, Daclapan, Pug-os and Salapasap.#