NUTRITION CORNER: Husto a nutrision mangsuporta kadagiti adrenal glands

Tapno agtalinaed a nasayaat ti panagtrabaho ti adrenal glands kasapulan ti panangipauneg iti nasalun-at a taraon nangruna dagitay nabaknang iti B vitamins, vitamin C, amino acids, ken magnesium. Napateg ti adrenal glands ta makatulongda a mangpukaw iti irteng iti riknatayo.

Ti B vitamins ti mangsuporta iti intero a nervous system ken adrenal glands ken iti pannakapartuat iti enerhia ken suporta ti immune system. Pagtalinaedenna pay a regular ti blood sugar levels nga agbalin nga irregular gapu iti stress. Nabaknang iti B vitamins ti liver, soy, broccoli, legumes, fresh meats, saan a naproseso a bukbukel, lentils, salmon, corn, nuts, sunflower seeds, eggs ken citrus fruits.

Maysa nga antioxidant ti Vitamin C ken pasayaatenna ti immunity. Ipababana ti blood pressure ken pabassitenna ti pagilasinan ti stress agsipud ta maipababana ti cortisol levels, ti stress hormone. Nabaknang iti Vitamin C ti citrus fruits, berde a bulong ti nateng, melon, tomatoes, broccoli, mango, red and green bell peppers.

Suportaran ti amino acids ti panaggaraw ti utek, kangrunaan dagiti neurotransmitters a makaapekto ti modo ken tignay. Nabaknang iti amino acids ti itlog, karne, ikan, beans ken innapuy.

Napateg ti magnesium ta tulonganna nga agrelaks dagiti muscles ken pagbalinenna a regular ti panagpitik ti puso. Nasamay a pangontra iti saan a pannakaturturog ken anxiety a mariknatayo no nairteng ti riknatayo. Mairekomenda nga agipauneg iti dairy, karne, itlog, ikan, seafood, berde a bulong ti nateng, nuts, tofu ken whole grains agsipud ta nabaknang dagitoy iti magnesium.#