OFW, naaresto gapu iti pannakiabig

TAGUDIN, Ilocos Sur – Gapu iti pannakiabigna, inaresto dagiti polis ti maysa nga overseas Filipino worker sadiay Barangay Poblacion, Mangaldan, Pangasinan idi malem ti Pebrero 19.

Inaresto ti nagtipon nga elemento ti Tagudin Police Station ken ti Mangaldan Police Station ni Donalyn Lacasandile y Farinas, 31, naasawaan, OFW manipud Canada ken residente iti Barangay San Miguel, Tagudin, gapu iti kasona nga adultery a nai-docket iti babaen ti Criminal Case No. 3583.

Naggapu ti warrant of arrest ken ni Lacasandile manipud ken ni Acting Presiding Judge Narciso P. Migua ti 12th Municipal Circuit Trial Court, Tagudin-Suyo, Ilocos Sur.

Nairekomenda nga agpiansa ni Lacasandile iti P20,000.00 para iti temporario a wayawayana.#